AJANABI

Mere kamare mein rahata hain,
mujhasa hi dikhat hain,
magar ajanabi sa koi….

Raaton ko jaaga karta hain,
sapne bunane ko,
din mein laga rahata hain
unhe udhedne mein,
ajanabi se koi.

Dekhata rahta hain khidaki se baahar,
phir pher leta hain aankhein
aur dhoodhata hain pharsh par kuchh,
ajanabi sa koi.

Bheed mein nikalata hain
dhoodhane ko tanhai,
chaahe kho jaye bheed mein hi,
ajanabi sa koi.

Aakhon mein phikra rahati hain zyadatar
aur kabhi khushi bhi,
kabhi baatein karata hain khud se hi,
kabhi chup rahata hain kai dinon tak,

Mere kamare mein rahata hain
mujhsa hi dikhata hain,
magar ajanabi sa koi.


by Mohit Kant Mishra
feb 2009

Excerpted from ‘Mohit- John’