Dekho Kaun Aaya Hai

Dekho kaun aaya hai,

Ye hai mera yaar

Mera hamraaz,

Baith mere yaar

Aur suna kahan tha itane din,

Aisa kya mashgool tha

Jo bhoola yahan ka raasta.

Yaar ne tere bada yaad kiya,

Poochh le saare muhalle se,

Jisase teri khabar na mangi ho teri

Wo de jaye gaali mere muh par.

Chal chhod ye baatein,

Bol kya chal raha hai

Kaise wakt nikal raha hai,

Lekin pahele ye bata

Tera muh kyun utara hai?

Kya aa raha hai kisi gami se,

Ya dekh liya kisi yamdoot ka chehara.

Kyun aankain soi nahin hain teri

Kya ko anhoni hui hai

Ya koi sapana basa hai iname.

Ik ghadi dekhane de to mujhko,

Ab samajha tera yaar

Dekhi hain maine ye aakhain kai baar.

Ab guftagoo ka maza aayega,

Main bhi kabse thaka baitha tha,

Ab bahegi shayari hawa main

Ab roshan hogi shamme mahphil

Ab shabab aayega raat par

Ab thirkenge pair bhi mere,

‘ek jaam mere liye bhi lana’

Mere yaar ne saqi se bola.

‘Ab to mafilon ki baari,

Lagata hai mere yaar ka dil toota hai’

By

Mohit  Kant Mishra

September 29, 2014 00:24 Delhi